Нови детски реквизити во градинката „Весели цветови“ во Делчево

Со средства во висина од 30.000 денари во делчевската детска градинка „Весели цветови“ набавени се нови играчки и дидактички средства за сите воспитни групи. Набавката се реализира согласно планираните активност и финансискиот план на градинката за оваа година.
 
Директорката на „Весели цветови“, Билјана Симовска, истакна дека целта е да се обноват играчките и дидактичките материјали, бидејќи во установата има доста стари и веќе неупотребливи, а дечињата растат и се воспитуваат преку игра.
-Набавката на играчки и дидактички материјали ќе придонесе за збогатување на детската игра и развивање на ситната моторика кај дечињата, но и развивање на креативноста и другарството од најмали нозе. За 2019 година се планира поголема набавка за оваа намена, односно за набавка на играчки, дидактички средства, но и обезбедување повеќе реквизити за игри во дворот на градинката, рече Симовска.
 
Поради заштеда на енергија и побрзо загревање на просториите, Симовска информираше дека со инвестиција вредна 354 илјади денари е набавен и инсталиран нов горилник за парното греење, бидејќи претходниот бил стар и во дотраена состојба.
 
Претходно преку инвестиција вредна 725 илјади денари за потребите на градинката беше обезбедена нова кујнска опрема.

Be the first to comment

Leave a Reply

Your email address will not be published.


*