Секој на свој начин сака да допре до муштериите, па така и продавачите на тридневниот панаѓур смислија начин како да допрат до потенцијалните муштерии како од Делчево, така и од соседна Бугарија кои утре како што велат продавачите ги очекуваат во бројка од преку 20 автобуси.
Додуша цените и не се нешто претерани, па така секој кој ќе го посети панаѓурот во наредните два дена, може да си одбере по нешто, зошто како што вели еден од продавачите „има и за богати и сиромашни“.
Делчевци пак масовно вечерва излегоа и иако времето е ладно не пропуштија да ѕирнат што нудат кочанчани, радовишани и останатите продавачи кои со своите преполни тезги во наредните два дена ќе му дадат панаѓурски шмек на Делчево.
Сакајки и ние да потрошиме некој денар на леблебија и кикирики, еве што забележавме со камерата на првиот ден од панаѓурот во Делчево.
Тридневен панаѓур во Делчево
Posted by delcevo365.mk on Friday, November 16, 2018
Leave a Reply