Во Македонска Каменица отворена изложба на народни носии од Македонија

Во организација на Културно-информативниот центар Романса денес во Македонска Каменица беше отворена изложба на народни носии од Македонија. Како што информираше Горан Огнановски, директор на КИЦ „Романса“ целта на настанот е претставување на народната носија како главен етно елемент карактеристичен за Македонецот.
 
-Сакаме да направиме настан кој од ваков карактер не бил организиран во градот. Се работи за изложба на која во посетителите ќе можат да видат носии од повеќе краеви во Македонија. Народните носии се многу битен сегмент во животот на многу народи особено за Македонците и тие го означуваат на некој начин начинот на живеење и ги претставувале традициите во зависност од кој предел доаѓаат. Затоа овде имаме носии од повеќе краеви во Македонија кои ја претставуваат и традицијата од каде доаѓаат, рече Огнановски.
 
За етнокореологот Методи Глигоров, носиите од Пијанечко-малешевскиот крај заземаат посебно место во етнокореологијата, бидејки имаат посебна специфика карактеристична само за овие предели.
 
-Носиите од Пијанец се карактеристични по тоа што се со малку потемна нијанса, но тоа е затоа што во планинските места се носеле такви носии, за разлика од нив, овчеполските носии кои се изработени од полесен материјал. Во прилепско пак во зависност од кој крај потекнуваат луѓето, зависи и нијансата на носијата, рече Глигоров.
 
Изложбата на народните носии од Македонија е сместена во киносалата во Македонска Каменица, а истата ќе биде отворена за посетителите во текот на наредните две недели

Отворена изложба на народни носии во Македонска Каменица

Отворена изложба на народни носии во Македонска Каменица

Posted by delcevo365.mk on Wednesday, November 28, 2018

Be the first to comment

Leave a Reply

Your email address will not be published.


*