Со поднесување иницијатива Советниците од ВМРО ДПМНЕ од делчевскиот совет ќе бараат донесување на предлог одлука со која ќе се ослободат од плаќање данок на имот и комунални трошоци сите припадниците на безбедносните сили од МВР и АРМ и нивните семејства кои организирано учествувале во одбраната на независноста територијалниот интегритет и суверенитет на Р.М сметано од 1 јануари 2000 година.
-Советничката група на ВМРО ДПМНЕ при Советот на Општина Делчево ја поднесува оваа иницијатива како надополнување на правата на оваа целна група наши сограѓани, дефинирани согласно законот за посебни права на припадниците на безбедносните сили на Република Македонија и на членовите на нивните семејства од 2002 година со кои се регулирани одредени нивни права. Сметаме дека и ЕЛС Делчево преку Советот на Општина Делчево, треба да води ред за бранителите кои се наши сограѓани и да донесе одлука за признавање на посебни права на оваа категорија на наши сограѓани, рече на денешната прес-конференција, советникот од ВМРО ДПМНЕ, Сашко Ивановски.
Додава дека тие личности и граѓани на општина Делчево ја заслужуваат најдлабоката почит, а оваа иницијатива е само мал дел што Советот на општина Делчево може да направи за тие луѓе.
Од таа причина советниците на ВМРО ДПМНЕ Делчево бараат итно формирање комисија од советници и општинска администрација, која ќе изврши пребројување на овие граѓани и ќе изготви предлог одлука која ќе ја достави на разгледување од Советот на општина Делчево за првата наредна седница.
Советниците од ВМРО ДПМНЕ Делчево бараат ослободување од данок на имот за бранителите
Советниците од ВМРО ДПМНЕ Делчево бараат ослободување од данок на имот за бранителите
Posted by delcevo365.mk on Tuesday, December 4, 2018
Leave a Reply