Одржана првата крводарителска акција за 2019 во Делчево

Со собрани 40 крвни единици во Делчево се одржа првата крводарителска акција за 2019 година. Општинската организација на Црвен крст од Делчево акцијата ја спроведе во соработка со Институтот за трансфузиона медицина од Скопје од каде изразија задоволство за денешниот одзив на делчевци.
 
-Ја започнуваме новата 2019 година во знакот на хуманоста во градот Делчево каде секогаш се среќаваме со хумани луѓе кои што даруваат крв. Како заклучок од минатата година можеме да кажеме дека собравме 776 крвни единици во градот Делчево. Денешната акција тече успешно, очекуваме во Скопје да си заминеме со 40 крвни единци, што значи дека првата акција во 2019 година со крводарителите од Делчево можеме да ја окарактеризираме како успешна, истакна Анита Божинова Петковска од институтот за трансфузиона медицина од Скопје.
 
Јоцо Димитровски е крводарител од Делчево кој прв пат дарувал крв на 19 годишна возраст, а денес крв даруваше по 48 пат.
 
-Прв пат дарував на 19 години, чувството е одлично, кога даваш крв се чувствуваш полн со енергија. Апелирам до оние кои не дале крв, да го сторат тоа, бидејки чувството е како да си пробал „ред бул“, истакна Димитровски.
 
Следната крводарителска акција како што истакнаа од Општинската организација на Црвен крст Делчево ќе биде спроведена на почетокот на месец февруари оваа година.

Во Делчево одржана првата крводарителска акција за 2019 година!

Posted by delcevo365.mk on Thursday, January 10, 2019

Be the first to comment

Leave a Reply

Your email address will not be published.


*