Театарска претстава за најмладите во Македонска Каменица

Во организација на Културно информативниот центар „Романса“, Јавната општинска установа детска градинка „Бамби“ и Општинското основно училиште „Св.Кирил и Методиј“ во Домот на култура во Македонска Каменица, денес се одржа театарската претстава „Итриот и завидливиот“. Директорот на КИЦ „Романса“, Горан Огнановски информираше дека театарската претстава е наменета за деца од претшколската возраст и за учениците до петто одделение.
 
-Добро е тоа што театарските претстави во договор со образовните установи во градот се организираат токму во Домот на култура, бидејќи со тоа на дечињата уште од најмали нозе одблиску им ја доловуваме културата. На тоа би ги додал и многубројните посети во изминатиот пероид на основци, средношколци и дечиња од градинката, на разни и многубројни настани во Домот на култура. Како таков би го издвоил и последниот таков настан, односно Ликовната изложба на Лена Ѓуриќ. Настан кој покрај огромната посетеност од граѓани на Македонска Каменица, бележи и значителен број на организирани посети од училиштата и детската градинка, истакна Огнановски.
 
Огнановски додаде дека Културно информативниот центар во Македонска Каменица ќе се потруди и во иднина да им овозможи на најмалите да проследат повеќе театарски претстави и културни настани наменети за нивна возраст.
 
Театарската претстава „Итриот и завидливиот“ ја изведоа членовите на театарот „Пампур“ во кој главните улоги ги толкуваат актерите Владо Дојчиновски, Шенка Колозова и други познати македонски актери

Be the first to comment

Leave a Reply

Your email address will not be published.


*