Делчевските ракометари уште еднаш покажаа дека се најдобри во поширокиот регион. Овој пат успехот доаѓа од деветолетката ,,Св.Климент Охридски” чии ракометарки учествуваа на завршниот Регионален турнир во Свети Николе каде во конкуренција на четири екипи од Струмица, Гевгелија и Св.Николе го освоија првото место.
Во рамки на денешниот натпревар делчевки убедливо славеа над екипата на “Владо Кантарџиев” од Гевгелија со 18:11, како и над екипата на ООУ „Сандо Масев“ од Струмица со резултат 3:28, со што со 6 освоени бодови обезбедени како резултат на остварените победи на целиот турнир ќе играат на финалниот турнир во рамки на Државното првенство.
Честитки до младите ракометарки од деветолетката “Св.Климент Охридски” и нивните ментори инаку наставници по физичко образование, Кирчо Жежовски и Александар Таушански, како и на ко-менторот и директор на училиштето, Горан Димитровски на кои им посакуваме понатамошен голем успех во рамки на натпреварите на Државното првенство.
Leave a Reply