Со цел што подобро спроведување на изборниот процес, а согласно предвидените активности на Државната изборна комисија, денес сертифицирани обучувачи на ДИК во Делчево спроведоа едукативни обуки наменета за претседателите и замениците претседатели на избирачките одбори. Како што информираше сертифицираниот обучувач Сања Митревска, овие обуки започнаа вчера, а ќе продолжат во текот на утрешниот ден.
-Преку интерактивни вежби членовите на избирачките одбори се стекнуваат со нови знаења и вештини за поквалитетно и подобро спроведување на изборниот процес. по ова следуваат презентации, вежби и симулации на изборен процес преку кои ќе ги стекнат сите вештини и знаења кои што ќе им бидат потребни за добро спроведување на Претседателските избори, истакна Митревска.
Додега како што додава Митревска, активностите во врска со изборниот процес се одвиваат според планот на Државната изборна комисија.
Владимир Петровски од општинската изборна комисија информираше дека во Делчево се регистрирани 36 избирачки места со вкупно 360 членови на избирачките одбори од кои 72 претседатели и заменици претседатели на избирачките одбори. Обуките продолжуваат утре со почеток во 11 часот.
Обуки за членови на избирачките одбори во Делчево
Обуки за членови на избирачките одбори во Делчево
Posted by delcevo365.mk on Thursday, March 28, 2019
Leave a Reply