Во понеделник (30.12.2019 год) во киносалата во Делчево ќе биде изведена Социјално-битовата театарска претстава “Мој термин”. Претставата ќе биде изведена во два термини, првиот за основните и средните училишта е во 13:30 часот, додека во 17:00 часот претставата ќе биде прикажана пред љубителите на театарската уметност.
-Социјално-битовата драма “МОЈ ТЕРМИН” има за цел преку иронија и сатира, да ги истакне се уште актуелните проблеми во здравството како што се предрасудите и стереотипите, кај дел од здравствениот персонал, пред се во секундарното здраство, се уште актуелната појава на користење на надрилекарство, малолетнички бракови и други социјални појави во едно современо ромско семејство, соопштија организаторите.
Улогите во претставата ги толкуваат :
Јована Стојановска – Фатиме
Андреј Милчевски – Зујди
Натали Богдановска – Шукра
Давид Михаиловски – Ештреф
Марија Магдалена Стоименовски – Есмералда
Столе Златковски – Даниел
Ружди Арифовски – Оџата
Нихад Ахмедовски и Мухамед Ибраимов – помошници на Оџата
Дамјан Маневски – докторот
Теона Златковска – медицинска сестра
Андреј Арсовски – статист
Анастасија Такева – телефонистка
Режисери на театарската претстава се Зекир Абдулов и Маријана Стоименовска, додека Абдулов се јавува и во улогата на сценарист и текстописец.
Претставата е работена со улоги на млади актери од ООУ „Ванчо Прке”, и СОУ „Методи Митевски-Брицо” и актер од првата актерска генерација во Делчево , Ружди Арифовски.
Leave a Reply