Продолжува испуштањето бела течност во река Брегалница

Бела течност со неиспитани својства, според делчевските риболовци предизвикува сериозна опасност по животинскиот свет во река Брегалница во Делчево. Фотографии од глетката, како што тврдат самите риболовци, веќе се доставени до надлежниот инспекторат, од каде како одговор им било наведено дека не е забележан помор на риби и затоа не се во можност да излезат на терен.

-Испуштањето течност е забележано кај познатата делчевска млекара и како што може да се забележи на фотографиите прилично бргу истекува течноста. Не може со сигурност да потврдиме за колкава количина и за каква течност станува збор, но она што може да ги потврдиме дека оваа појава е доста честа. Од надлежниот инспекторат ни наведоа дека не е забележано угинување на рибниот фонд, поради што немаат основ за излегување на терен и проверка на состојбат, велат делчевските риболовци.

Надлежните во споменатата млекара, за МИА истакнаа дека се работи за компромитирачки фотографии направени во понеделник, а објавени во среда. Околу тоа дали и каква течност се испушта не дадоа свој коментар.

Ова не е прв пат да се забележи испуштање течност која директно се слева во река Брегалница во Делчево. Пред година ипол беше поднесена кривична пријава, до како што тогаш беше наведено, непознат сторител кој предизвика помор на риби во коритото на река Брегалница, но до ден денешен, како што тврдат риболовците, судскиот процес против наводниот сторител се уште трае.

Моментот како излегува течноста може да се забележи и на фејсбук страната на СРД Брегалница.

https://m.facebook.com/story.php?story_fbid=2880688941961784&id=145113378852701

Be the first to comment

Leave a Reply

Your email address will not be published.


*