Вандали ја запалија новогодишната елка во паркот во Делчево

Новогодишно украсената елка поставена во паркот кај Езерцата во Делчево, на Стара нова година беше мета на вандали. Денеска, полуизгорена, таа сведочеше за односот на поединци кон општинскиот имот.

Од тие причини, Општина Делчево повторно ги информира граѓаните дека ќе се преземат ригорозни мерки за заштита на општинскиот имот.

-Согласно со Измените за законот за јавна чистота, заради обезбедување јавна чистота на јавна површина, е забрането уништување на урбана и друга опрема. Казната за овие дела е мандатна и согласно законот изнесува 200 евра во денарска противвредност, информираа од општината.
Од тие причини, како што додадоа, инспекциските служби на Општина Делчево ќе ги засилат контролите на јавните површини во центарот на градот.

-Во оваа смисла уште апелираме да не се уништува урбаната опрема, како и новогодишните светилки и реквизити, бидејќи со тоа се уништуваат јавни добра купени со буџетски сретства на Општина Делчево, а покрај материјалната штета, лицата кои ги уништуваат новогодишните свтелечки украси кои се под висок напон, се изложуваат на ризик по сопственото здравје и живот, додадоа од Општина Делчево.


Ова не

е првпат вакви грди слики да бидат забележани во центарот на градот. Истата слика можеше да се види и минатата година кога дел од светилките беа скршени, а инвентарот на споменатиот парк фрлен во блиските „езерца“. в.с/

Be the first to comment

Leave a Reply

Your email address will not be published.


*