Регионално: Прва сесија од проектниот форум за социјална инклузија во Берово

Во Берово се одржа првата форумска сесија од проектниот форум за социјална инклузија. Форумот е дел од проектот „Зајакнување на општинските совети“, финансиран од Швајцарската агенција за развој и соработка, со поддршка на УНДП, а во соработка со општина Берово.

На вкупно 5-те форумски сесии, како што истакна модераторот Васка Драшковиќ, граѓаните ќе можат да предлагаат решенија за она што најприроритетно ги засега во рамки на темата Социјална инклузија. 

-Беровчани во наредните пет форумски сесии ќе можат да посочуваат  проблемите што сметаат дека се најприроритетни во оваа област, како и да предлагаат нивни решенија, за што стојат на располагање 50 илјади швајцарски франци обезбедени од агенцијата. Очекуваме добра дискусија и секако решавање на прироритетите предложени од страна на граѓаните, рече Драшковиќ.

Дел од средствата, како што истакна градоначалникот Звонко Пекевски, ќе бидат наменети и за решавање на инфраструктутрен проект според приоритетите на граѓаните.

-Како дел од овие активности, влеговме во општините кои успеаа да добијат средства за опремување на салата на општината, а како друг дел од оваа иницијатива истовремено се овозможува и реализација на инфраструктурен проект, кој ќе биде финансиран со средства од Швајцарската агенција, рече Пекевски.

Процесот според очекувањата треба да заврши во наредните шест месеци, по што, како што дополнија организаторите ќе бидат презентирани резултатите од сработеното во рамки на овој проект.

Be the first to comment

Leave a Reply

Your email address will not be published.


*