Годишнината од убиството на Гоце Делчев во Делчево под посебни мерки за заштита од Ковид-19

Општина Делчево се подготвува за одбележувањето на 117-годишнината од смртта на револуционерот и патрон на градот, Гоце Делчев. Од општината информираат дека на самиот ден на одбележувањето 4 мај 2020 година, ќе бидат преземени актуелните препораки и мерки за заштита од болеста ковид-19.

-По тој повод, Општина Делчево ги поканува сите заинтересирани граѓани, институции, политички партии и здруженија на граѓани кои сакаат да присуствуваат на настанотпред споменикот на револуционерот Делчев во центарот на градот и да положат свежо цвеќе, и притоа тоа да го направат почитувајќи ги актуелните препораки за заштита од болеста ковид -19, односно задолжително да носат заштитни маски за лице и да држат растојание од 2 метри за време на настанот, информираа од општината.

На настанот, како што додадоа пожелно е присуство на двајца претставници од институциите, организациите и здруженијата.

Делчево годинава одбележува и 70 години од преименувањето од Царево село во Делчево. Со одлука на Президиумот на Народното собрание на 23 април 1950 градот го добива името на великанот Гоце Делчев.

Be the first to comment

Leave a Reply

Your email address will not be published.


*