При работа во шума повреден работник од Пехчево, тројца беровци со тешки телесни повреди по собраќајка!

Шеесет и петгодишен пехчевец го загубил животот при извршување на работни задачи во шума. Според информации на полицијата починатиот животот го изгубил на 29.04.2020 кај местото викано ,,Равно борје”.
-На 29.04.2020 во 10.50 часот било пријавено дека во Пехчево, С.В.(65) од Пехчево вработен во фирма, бил повреден при работа во шума, на место викано „Равно борје“, по што починал на местото на настанот. Извршен бил увид од увидна екипа од Полициската станица Берово и службени лица од Државниот инспекторат за труд –Берово, стои во полицискиот извештај на МВР.
Во текот на горенаведениот период со тешки телесни повреди се стекнале и тројца жители на Берово. На 29.04.2020 во 13.00 часот до полицијата било пријавено дека жителите на Берово со повредите се стекнале на регионалниот пат с.Дабила-с.Петралинци, беровско, откако претходно Ј.Р.(52) од Штип, управувајќи патничко возило „фиат пунто“, со штипски регистарски ознаки, изгубил контрола и излетал од коловозот.
-Во незгодата, со тешки телесни повреди се здобила сопатничката С.П.(45) од Берово, а со телесни повреди се здобиле возачот и уште две сопатнички Ј.Б.(55) и Н.Б.(51) од Берово, по што биле пренесени во Медицинскиот центар Струмица за укажување на лекарска помош, се вели во полицискиот извештај.
На местото на несреќата бил извршен бил увид од увидна екипа од СВР Струмица

Be the first to comment

Leave a Reply

Your email address will not be published.


*