Напредува изградбата на градската капела во Делчево

Напредува изградбата на градската капела во Делчево. Објектот започна да се гради кон крајот на јануари годинава, а досега како што информираа од општината целосно е изграден надворешниот дел од капелата.

-Проектот предвидува изградба на придружни и услужни објекти на гробишта- капела, мртовечница со ладилник и помошни простории. Планираната локација за изградба се наоѓа северозападно од градежниот реон Делчево во непосредна близина на градските гробишта и досега како што може да видите целосно е изграден надворешниот нејзин дел, информираа од Општина Делчево.

Согласно со договорот потпишан по спроведената јавна набавка за „Изградба на придружни и услужни објекти на гробишта мртовечница-капела со ладилник и помошни простории во Делчево“, како што додадоа надлежните економскиот оператор треба да ги заврши работите најдоцна до крајот на месец октомври.

-Во рамки на парцелата предвидени се и други придружни објекти меѓу кои и паркинг места за 16 лесни возила, и пешачка патека за вработените лица и посетителите, како и парковско зеленило, додадоа од општината.

Инвестицијата е вредна 6,9 милиони денари,  а средствата се обезбедени од Буџетот на Општина Делчево.