Квалитетните раноградинарски производи, препознатлив бренд за семејството Тодоровски од Делчево

Квалитетните раноградинарски производи, долги години се препознатлив бренд за семејството Тодоровски од Делчево. Производите ќе ги најдете на пазарите во Делчево и М.Каменица како и во локалната пиљара на семејството во градот. Честите фотографии кои семејството ги објавува на социјалните мрежи не заинтригира да дознаеме нешто повеќе за квалитетното производство за кое очигледно е потребно и доста работа.

-Произведуваме повеќе видови на раноградинарски култури меѓу кои во моментот се актуелни доматите, пиперот, младиот компир и други. Произведуваме и зелка и марула, но моравме да го собереме родот за да ослободиме простор за пиперот. Просторот во фолиите каде се засадени овие култури е околу 1500 м2. Во моментот најмногу имаме засадено благ пипер од сортата „бела дуга“ околу 2000 корени, како и 7000 корени селски пипер. Доматот кој е отприлика 1200 корени е од сортата Вивиа. Како што знаете секој петок и сабота сме присутни на пазарот во Делчево и М.Каменица, додека производите поради својот квалитет се барани надалеку. Тука е и пиљарата во која секогаш може да се уверите во нивниот квалитет, велат од семејството Тодоровски.

Од овошјето покрај јужното овошје, на тезгите на Тодоровски може да се најдат и мошне вкусните домашни јагоди.

-Јагодите иако се на мала површина ги имаме некаде околу 200 корени. Ги одгледуваме на црн најлон, додека од производството во саксии имаме околу 300 корени. Вкусот е неодолив, а изгледот фасцинантен. Врпочем оној кој ги пробал се уверил во нивниот квалитет. Јагодите се од сортата месечарка и родот им се собира двапати годишно, додаваат Тодоровски.

Во продолжение неколку фотографии од домашното производство на Тодоровски:

Be the first to comment

Leave a Reply

Your email address will not be published.


*