Хуманитарна помош за ранливите категории граѓани од Делчево од Македонската заедница од Англија

Во просториите на Црвен крст Делчево пристигна хуманитарната помош од Македонската заедница во Обединетото Кралство. Како што информираше Ивана Атанасовска од делчевскиот Црвен Крст, пакетите ќе бидат поделени на социјално-загрозените граѓани кои не добиле никаква помош за време на здравствената криза.

-Општинската организација на Црвен крст Делчево доби хуманитарни пакети со храна кои се донација од Македонскатазаедница од Обединетото Кралство. Досега имаме 10 пакети а останатите ќе пристигнат во текот на оваа недела. Според планираното пакетите ќе бидат поделени во Делчево и М.Каменица на лица од социјален ризик од руралните средини кои досега не добиле никаква помош, истакна Атанасовска.

Освен Делчево со акцијата досега како што додаде се опфатени повеќе општини.

-Помошта ни е дистрибуирана од страна на Општинската организација на Црвен крст Свети Николе, а со акцијата досега беа опфатени и општините Велес, Пробиштип, Штип, Кочани, Виница, Радовиш, Неготино и Кавадарци, додаде Атанасовска.

Од Црвен Крст Делчево изразија благодарност за донацијата и додадоа дека хуманитарните пакети на најзагрозената категорија граѓани ќе биде дистрибуирана во текот на неделава.

Be the first to comment

Leave a Reply

Your email address will not be published.


*