Во завршна фаза реконструкцијата на првата спортска сала во Делчево

Во завршна фаза реконструкцијата на првата спортска сала во Делчево. Вршејки увид во текот на градежните активности, градоначалникот Горан Трајковски во својата изјава истакна дека инвестициите во спортските објекти се инвестиции во младите и создавање услови за развој на спортот и спортските клубови, а со тоа и создавање услови за промоција на спортот како здрав начин на живот.

-Оваа спортска сала има посебно значење во Делчево. Но, иако е прва спортска сала во градот која ги обединуваше и учениците од училиштето, но и сите спортски клубови од градот, беше во многу лоша состојба и со години учениците од училиштето, но и спортистите, работеа во несоодветни услови. Со реализацијата на овој проект, како локалната власт, уште еднаш докажуваме дека ги решаваме проблемите и создаваме услови за поквалитетен живот на секој граѓанин во Делчево, истакна Трајковски.

Како што додаде директорот на училиштето Горан Велков, старата спортска сала во деветолетката „Ванчо Прке“, деновиве ќе добие нов висококвалитетен, спортски PVC- под, со што ќе завршат градежните работи во училиштето.

-Согласно со проектот за реконструкција на салата се заменија и салонитните азбесни ќерамиди со нов пластифициран антикондензирачки ребраст лим, а се изврши и замена на фасадната столарија, каде што старите метални прозорци се заменети со термоизолирачки PVC- прозори, а се планира и асфалтирање на теренот за одбојкa, рече Велков.

Освен реконструкцијата на спортската сала, беше извршено и партерно уредување на влезовите на училиштето, со што училиштето доби сосема нов лик. Вкупната инвестиција на проектот е 2,5 милиони денари, а средствата се обезбедни од буџетот на училиштето.

Градоначалникот Трајковски изврши увид во изградбата на спортската сала при ООУ „Ванчо Прке“

Градоначалникот Трајковски изврши увид во изградбата на спортската сала при ООУ „Ванчо Прке“

Posted by delcevo365.mk on Tuesday, 23 June 2020

Be the first to comment

Leave a Reply

Your email address will not be published.


*