Андреј Илиевски Волкашин доби парична поддршка од Агенцијата за филм за „Слатката горчина на зрелите калинки“

 „Слатката горчина на зрелите калинки“ на Андреј Илиевски Волкашин доби 19 милиони денари (310 илјади евра) поддршка од Агенцијата за филм.

Поддршката Илиевски Волкашин ја доби како дебитант во категоријата долгометражни играни филмови со мнозински македонски удел – дебитанти, категорија во која највисока сума, 23 милиони денари (над 370 илјади евра) има добиено филмот „Кома“ на Агим Абдула во продукција на „Галактика пиктурес“. Следи „Домаќинство за почетници“ на Горан Столевски  со 21.5 милиони денари (350 илјади евра). Столевски на Санденс 2018 победи за најдобар краток филм со „Види ја ти неа“.  Димитар Оровчанец за „Убиј ги прво децата“ доби  20 милиони денари (325 илјади евра), додека  „Слатката горчина на зрелите калинки“ на Андреј Илиевски Волкашин доби 19 милиони денари или 310.000 евра.

Андреј Илиевски Волкашин и е познат на јавноста по краткометражниот филм ,,Коливо” со кој постигна огромен успех на фестивалите ширум светот.

Повеќе за самиот долгометраен филм ,,Слатката горчина на зрелите калинки” на линкот во продолжение:

http://www.torinofilmlab.it/projects/484-the-sweet-bitterness-of-ripe-pomegranates