Продолжуваат активностите од кампањата „За почисто и поубаво Делчево“

Во Делчево реализирана акцијата за чистење на дел од дивите депонии во градот. Активноста ја спроведоа вработени во Општина Делчево и претставници од институции со голема поддршка од вработени и механизација од Јавното комунално претпријатие “Брегалница” и Територијалната противпожарна единица – Делчево.

-Во рамките на акцијата беше исчистена дивата депонија кај ендекот Грозданец, а целта на акцијата е да се испрати порака дека грижата за животната средина значи грижа за нашето здравје и секој одговорен поединец треба да даде личен придонес во борбата со дивите депонии, информираа од Општината.

Оваа акција како што додадоа е продолжување на кампањата “За поубаво Делчево”.

Со оваа акција во изминатите два месеци заедно со волонтерите од градот се чистеа и уредуваа јавните површини и се санираше урбаната опрема. Исто така во изминатиов период во Делчево беше извршено чистење на мостовите и бојадисување на оградите, додадоа надлежните.

Во пресрет на Денот на Востанието, екипи на Јаввното претпријатие за комунална дејност ,,Брегалница” го исчистија и споменикот на паднатите борци.

Повеќе за активностите на следниот линк: https://www.facebook.com/GoranTrajkovskiZaDelcevo/posts/1807837542692220?xts%5B0%5D=68.ARC5LztMTAxoRZUbTsiEwrh2z5Y49PKdtqyTfu-uaEIKQcDoQexOCNioQKgjqtGj5R-rWdPQI0r-wlJspIV4ittjih_4xM9ZTDcJ2yQXjG3BPZT_jbSiZ1N–BsWrYKZzFumWn8r2m6eDEqj0EhuNWxVcqYy9rtxrE0sX7vf7mxVCBPEIIltG2Ob9XgJl71zxH1JZpiy_h4uk218jBN7PNOcg0WmB80iRnCqkyqJDl0K2UkHnJVz5KVVOaIkrSfmLZV9cYVR5qi097bKWuwWbj6GaWNR0gOg8IHlCHMZBnNV_fzr51_5TQTpQVyKMljsUKeLwIFH82-KdQTvMjsEPHdWWA&tn=-R