Лекарите без посериозни интервенции за Новогодишната ноќ во Делчево

Мирна новогодишна вечер со една интервенција на Итната медицинска помош ја окарактеризира Новогодишната ноќ во Здравствениот дом во Делчево. Директорката на здравствен дом Марија Глигоровска информираше дека пред и по Новогодишната ноќ не се регистрирани интервенции поради пијанство и прејаденост, кои во минатото биле честа појава.

-Според податоците на дежурните, интервенции во тој дел немавме, што значи дека имавме мирна Новогодишната ноќ. Единствената посериозна интервенција која ја имавме е интервенција поради сообраќајна незгода. Момче кое со автомобил удрило во ѕид е пратено на понатамошни испитувања на Клиничка болница Штип, по претходно констатирани повреди на глава, информираше Глигоровска.

Апелираше граѓаните и во периодот кој следи да се воздржат од обилни количини на мрсна храна и алкохол, се со цел да не дојде до појава на прејаденост и алкохолно труење.

Be the first to comment

Leave a Reply

Your email address will not be published.


*