Унгарската асоцијација „Кронос“ ги мапираше еко-проектите во Делчево

Претставници од Здружението „Khronos“ од Република Унгарија заедно со претставници од Центарот за развој на Источно-плански регион денеска остварија работна средба со градоначалникот на Делчево Горан Трајковски, со цел запознавање со Општина Делчево со актуелните, приоритетните и планираните проекти за реализација од областа на животната средина.

Како што беше истакнато на средбата, Здружението „Khronos“ планира да отвори канцеларија во Македонија за поддршка на проекти за развој на општините и Источно-планскиот регион. 

Здружението е веќе присутно во Р. Србија, Р. Црна Гора и Р. Хрватска, а се работи за Програма која ќе опфаќа пред сè инвестициски, сложени проекти (со минимална вредност од 400.000 евра) од областа на животната средина.

Проектите кои би биле начелно прифатени од нивна страна би биле поддржани од LIFE фондот на Европската Унија.