Полицијата трага по исчезнатиот Александар Черговски од Берово

Во тек потрага по Александар Черговски, 39 годишно исчезнато лице од Берово. За Черговски кој живее и работи во Германија, семејството информира дека при последниот телефонски повик кој го имале со својот син тој им кажал дека тргнал од Германија за Македонија, а последен пат е регистриран од камерите на граничниот премин Табановце. 

-Почитувани претставници на медиумите ве замолуваме да ја објавите веста за исчезнувањето на нашиот сакан син, девер и чичко Александар Черговски со прекар МАЛИ Радио МК. Имено тој од Германија е излезен на 18.02 2021 год со цел да дојде во Македонија, поточно во Берово во својот дом. Последна информација е дека ја преминува македонската граница и е забележан на Табановце од страна на нашите цариници, односно регистриран е од видео надзорот и пасошката контрола, но од тогаш му се губи секоја трага, информираат од семејството на Александар кое живее во Берлин.

Роднините на Александар од Берово веднаш ја алармирало полицијата за исчезнувањето, а известен е и Интерпол од страна на семејството кое живее во Берлин.

-Ги замолувам сите пријатели кои имаат било каква информација за него, да не исконтактираат со цел за негово пронаоѓање, додадоа од неговото семејство. 

Од СВР Штип го потврдија случајот и рекоа дека се работи на пронаоѓање на лицето. 

-По пријава на Интерпол од Германија, секторот за меѓународна полициска соработка во МВР, постапува по пријавата за пронаѓање на лицето, каде што се направени контакти и проверки на неколку локации, додаде Гордана Панајотова потпарол на СВР Штип.

Според лица блиски до Черговски, Александар на граничниот премин слегол од автобусот и тргнал пеш во непознат правец, од каде му се губи секаква трага.

Be the first to comment

Leave a Reply

Your email address will not be published.


*