Општина Делчево повторно меѓу институциите со највисока активна транспарентност

Општина Делчево повторно се најде во групата институции со највисока активна транспарентност. Активната транспарентност на Општина Делчево во 2021 година изнесува 90 проценти, со што како што информираа од Општината, ЕЛС Делчево се наоѓа во групата институции со ,,многу добра” активна транспарентност со исполнување на обврските од 80 до 100 проценти. 

-Со овие бодови, општината се наоѓа на 12-та позиција од вкупно 98 рангирани институции или втора општина во Источно-плански регион. По четири години меѓу институциите со просечна активна транспарентност, Општина Делчево лани влезе меѓу општините со највисока активна транспарентност, а годинава и дополнително ја подобри својата позиција, истакнаа од Општината.

Ваквата позиција како што додадоа од Општината е нотирана од Центарот за граѓански комуникации во редовното годишно рангирање на институциите според Индексот на активна транспарентност, односно според проактивното објавување информации од јавен карактер изработено во март 2021 година, во кое се вклучени 98 институции, односно Владата и сите министерства и општини. 

Активната транспарентност е најдобра алатка за транспарентност на една институција и за градоначалникот на Делчево Горан Трајковски е доказ дека Општина Делчево сериозно пристапува кон ова прашања со цел навремена и точна информација до граѓаните и отчетност.

-Активната транспарентност помага за поодговорно трошење на јавните пари, се промовираат принципите на добро владеење и интегритет, институцијата ќе биде поефикасна, бидејќи подобро ќе управува со информациите со коишто располага. За  постигнување на овие зацртани цели, изминатиов период Општина Делчево донесе стратешки документ за надворешна комуникација, годишни програми за однос со јавноста, се изработува и е-информатор, а се објавуваат  и сите документи кои имаме законска обврска да ги објавуваме, и сл. Целта е отчетност и точна и навремена информација до граѓаните, рече Трајковски.

Индексот на активна транспарентност се реализира во рамките на активноста Јавно трошење за јавно добро, поддржана од Проектот на УСАИД за граѓанско учество. Целта на оваа активност е зголемување на ефективноста на јавното трошење преку намалување на корупцијата и зголемување на транспарентноста.

Be the first to comment

Leave a Reply

Your email address will not be published.


*