Нови 169 контејнери за полесно справување со отпадот во Делчево

Општина Делчево доби 169 контејнери за справување со комуналниот отпад. Садовите за отпад како што информираа од Општината ќе бидат рамномерно распределени во повеќе населени места во Делчево.

-Во рамки на проектот „Набавка на опрема за собирање и транспорт на отпад во Источен и Североисточен плански регион” во Делчево денеска пристигнаа 169 контејнери со зафатнина од 1,1 метар кубен. Овие садови за отпад планирано е да се распоредат во сите населени места во општината, а со тоа значително ќе се подобри состојбата со управувањето со комуналниот отпад, истакнаа од Општината.

Претходно како што додадоа во рамките на овој проект финансиран со средства од ИПА-програмата за регионален развој на Европската Унија, Општина Делчево доби возило за собирање отпад со капацитет од 4 метри кубни.

-Возилото е по сите еколошки стандарди и со истото е обезбедено брз и сигурен транспорт на отпадот, со што е олеснета целосната процедура за справување со отпадот, додадоа од Општината.

Во слична постапка претходно садови за смет и нови возила преку проектот добија и општините Берово, Македонска Каменица и Пехчево.

Be the first to comment

Leave a Reply

Your email address will not be published.


*