Во Берово презентирани спортските достигнувања на фудбалската легенда Никица Клинчарски

Денеска во Берово, пред голем број спортисти , подржувачи на спортот, роднини и пријатели, се презентирани спортските достигнувања на беровската фудбалска легенда Никица Клинчарски.

Посетителите имаа можност, да видат многу фотографии, написи во печатените медиуми, дресови, книги, освоени медали, пехари, плакети и признанија во клубовите каде настапувал Клинчарски, а истите ќе бидат достапни и граѓаните ќе можат да ги видат на отворената изложба, во Музејот на град Берово, до 25 јули.

На настанот присуствуваше Архиепископот охридски македонски г.г. Стефан, кој често пати на стадионите, му бил поддршка на Клинчарски.

Свое обраќање имаше и Градоначалникот на Општина Берово, Звонко Пекевски, кој истакна дека жителите се гордеат со успесите на Клинчарски, заблагодарувајќи му се што го претставува Берово во најубаво светло, што ја претставува упорноста, енергичноста и одлучноста.

Како што додаде тој, со такви високомотивирани личности како Никица, Берово расте и се развива, а неговите успеси оставија силен белег во спортот и во исто време, даваат силен поттик, на идните генерации да вложуваат во себе и да се развиваат низ спорт и игра на терените.

Голема е честа и гордоста, да се сублимира, една навистина богата кариера, а уште поголема честа за сите нас, е што успешната приказна ги носи корените токму од нашето Берово, додаде Пекевски.

Беровската фудбалска легенда, низ неговата богата фудбалска кариера, успева не само да победува во сериозни натпреварувања, туку и да обедини, да мотивира и со неговата борбеност, непокор, ентузијазам, енергија, вредна и макотрпна работа, дружба и сила, да ги инспирира, сите кои имаат желба, да бидат дел од фудбалските терени.

Be the first to comment

Leave a Reply

Your email address will not be published.


*