Најдолгата улица во делчевското село Вирче со нов изглед

За прв пат жителите на една од најдолгите улици во село Вирче, добија асфалт. Со асфалтирањето на улицата која има два крака и е во должина од 260 метри, како што информираа од Општината се реши голем инфраструктурен проблем во селото.

-Изградбата на оваа улица е децениско барање на жителите, бидејќи на овие улици се наоѓаат повеќе семејни куќи и други објекти, а жителите досега немаа соодветен пристап до нив, истакнаа од Општина Делчево.

Изградбата на овој инфраструктурен проект како што додадоа е дел од пакетот инфраструктурни проекти вреден 9 милиони денари, средства одвоени од општинскиот Буџет.

-Како дел од реализацијатана проектот обезбедени се и дополнителни средства од други фондови, се со цел да се опфати изградба на улици во градот и во селата во должина од над 2,5 км, додадоа од Општината.

По завршувањето на работите во с. Вирче економскиот оператор ОСД „Кирил“, како што дополнија ќе продолжи со асфалтирање и на новоизградената улица во с. Стамер.