Лажен Оџа двапати силувал малолетно девојче!

Лажен Оџа двапати силувал малолетно девојче. 37 – годишниот жител на Кочани, блудничењето го извршил во два наврати во ноември, во стан во Гостивар, каде го извршил половото дејствие врз малолетничката родена 2012 година.

Мајката на детето го повикала Осомничениот кој се претставил како оџа, бил повикан од мајката на жртвата која го повикала да пее и да го „лекува“ детето од црни магии.

Силувањето се случило откако осомничениот побарал да остане сам со детето-жртва во собата и притоа ја принудил на други полови дејствија.

Иако оштетената од страв во прв момент не кажала ништо на мајката, кога на 5 декември мајката сакала по третпат да го повика осомничениот, девојчето вознемирено раскажало што му се случува, по што настанот бил пријавен во полиција.

Истиот осомничен, заедно со уште двајца соизвршители од Гостивар, измамиле друга оштетена.

Првопријавеното лице, во договор со другите двајца, на оштетената исто така и се претставило како оџа кој ќе и помогне да ги тргне магиите од нејзината куќа.

Во повеќе наврати тројцата ја убедувале дека за да ги отстранат магиите треба да откопуваат различни предмети од гробишта и со тоа ги влечат магиите од неа и од нејзиниот дом. За услугата и наплатиле вкупно 98.000 денари.

Кога почнале да се договараат за нова средба, оштетената се посомневала дека е измамена и ги пријавила.

За првопријавениот Основното јавно обвинителство Гостивар до судијата на претходна постапка достави предлог за определување мерка притвор, додека за останатите двајца осомничени се предложени мерки на претпазливост.

Be the first to comment

Leave a Reply

Your email address will not be published.


*