Китански: Турската заедница значаен дел од македонското мултиетничко општество

Градоначалникот на Општина Пехчево, Александар Китански, на припадниците на турската заедница во Република Македонија им го честита 21 декември, Денот на одбележувањето на наставата на турски јазик.

-Турската заедница во Република Македонија и во нашата општина претставува значаен дел од македонското мултиетничко општество и преку празнувањето на овој значаен ден се овозможува на нашите сограѓани, припадници на турската заедница, да го јакнат својот национален и културен идентитет. Турската заедница дава огромен придонес во развојот на нашата општина и на Република Македонија.

Како Локална самоуправа и понатаму ќе продолжиме да градиме заедничка иднина на соживот, еднаквост и почит, бидејќи сметаме дека тоа е единствениот начин преку кој општина Пехчево ќе биде препознатлива како општина на доверба, толеранција и заедништво, истакна Китански на својот фејсбук профил.

Be the first to comment

Leave a Reply

Your email address will not be published.


*