Се подобрува патната инфраструктура во делчевската населба Стрелиште

Со средства од општинскиот буџет, се подобрува патната инфраструктура во Делчево. Средствата во висина од 9 милиони денари како што информираа од Општината се наменети за асфалтирање на улици во делчевската населба Стрелиште.

-Во моментот се асфалтираат улици во населба Стрелиште. За прв пат асфалт добија трите крака од улицата „Голем рид“ во населбата Стрелиште во Делчево со што се одговори на барањата и потребите на жителите од оваа населба кои со децении газеа кал и дишеа прашина, информираа од Општината.

Асфалтирањето на трите крака во оваа населба, како што додадоа се со вкупна должина од околу 250 метри.

-Инвестицијата за изградба на оваа улица е во рамките на пакетот инфраструктурни проекти за изградба на улици во Делчево и селските средини, додадоа од Општината.

Подобрување на патната инфраструктура и во други делови на градот од Општината најавија и за наредниот период

Be the first to comment

Leave a Reply

Your email address will not be published.


*