Прогласувањето на Малешево за заштитен предел ја загрозува егзистенцијата на 1500 вработени!

Сопствениците на приватни шуми од Берово, реагираат на донесената предлог одлука пред неколку месеци за прогласување на дел од Малешево за заштитено подрачје, со што како што велат се доведува до прашање егистенцијата на околу 1500 вработени во Малешевијата. Нивната реакција ја изразија денес пред општинската зграда во Берово, каде претставници од ЈП „Македонски шуми“ од Скопје и Берово како и преставници на Фархахем одржуваат состанок зад затворени врати, а никој од нив не бил поканет ниту пак известен за состанокот на кој треба да се разговара и за нивниот проблем.

На заштитеното подрачје во Малешево додадоа сопствениците на приватни шуми, има голем број парцели со шуми во приватна сопственост, а токму дрвната индустрија е главната гранка во Берово која е неопходна за опстанок на многу семејства.Додадоа дека никој не ги консултирал во донесувањето на овој закон, а со забраната за експлоатација на дрвната маса од нивните имоти, се врши удар врз нив и нивната имовина.

-Никој од нас сопствениците на приватни шуми не беше консултиран.Тие си донесуваат програми и закон за заштита на нашите шуми тука во Малешевијата.Само во Берово има околу 20 пилани, кои имаат вработено околу 1500 жители на градот, кои егзистираат од тоа.Што треба ние да си заминеме во странство како сите други.Не, тоа нема да го дозволиме и ќе го решиме случајот.Во оваа енергетска криза, многу луѓе овде во Берово чекаат од нас да им донесеме дрва, посебно пензионерите на кои уште следниот месец треба да ги обезбедиме со огревно дрво.Решението го гледаме во тоа што не сакаме овде да се прогласува заштитено подрачје, да ни се дозволи на нашите приватни имоти да работиме како претходно – рече Делче Голчовски.

Сопствениците на приватни шуми истакнаа дека доколку не се одобрат нивните барања, спремни се да излезат на протест и да го блокираат Берово.

-Ако не се решат нашите барања спремни сме да излеземе на штрајк.Ќе собереме многу луѓе и штрајкот ќе трае додека не се реши нашиот проблем.Ако не ни дозволат од утре да одиме на нашите приватни имоти и да работиме, штрајкот ќе го пријавиме во текот на утрешниот ден и во понеделник ќе го блокираме целиот град Берово, каде знаеме дека секојдневно од 50 до 70 шлепери руда се изнесува во Осломеј, па тогаш тие нас ќе не бараат на состанок не ние – додаде Голчовски.

Сопствениците пак на пилани за обработка на дрво во Берово најавија правна постапка во Стразбур доколку не се реши нивниот проблем.На денешниот состанок кој сеуште трае околу триесетина сопственици на приватни шуми се пред општинската зграда во Берово.Очекуваат да бидат повикани нивни претставници на состанокот.

Сепак по завршувањето на состанокот било одлучено дека сопствениците на приватни шуми од Берово, кои имаат приватни имоти во дел од заштитеното подрачје Малешево, од понеделник ќе можат повторно да работат и функционираат на своите шумски парцели. Ова го соопштија преставници од МЖСПП ЈП „Национални шуми“ како и градоначалниците на двете малешевски општини Берово и Пехчево и преставници од Фармахем.

Војо Соколовски, Претседател на Националното здружение на сопственици на приватни шуми, вели дека состанокот вродил со плод, каде позитивно биле прифатени барањата на сопствениците на приватни шуми.

-Со задоволство морам да констатирам дека беше изнајден начин како проблемот да се премости и на задоволство на сопствениците на приватни шуми да донесеме модел по кој сите оние кои ги почнале работите или имаат посечено дрвна маса во шумите, можат уште од утре, поточно од понеделник да почнат да ги манипулираат односно да си ги собираат дрвата и да ги транспортираат.За сите дополнителни барања и молби кои што треба да се внесат во Јавното претпријатие исто така процесот е отворен.Да потцртам она што беше проблем на некој начин е надминат и се надевам дека во иднина вакви проблеми од таков вид ќе немаме, но доколку се појават некои други тука сме за да ги надминеме – рече Војо Соколовски претседател на Националното здружение на сопственици на приватни шуми.

Прогласувањето на дел од Малешево за заштитено подрачје додаде Соколовски за овој крај претставува голем бенифит особено во областа на туризмот, но очекува и од сопствениците на приватни шуми активно да учествува во управувањето на ова заштитено подрачје, зошто во управните тела ќе заземат место и членови на здружението.Додаде дека само еден мал дел од заштитеното подрачје ќе биде под поголема заштита, додека шпекулациите за забрана за сечење во оваа зона се дезинформација

Претхпдно, на 14 Декември, Владата ја усвои предлог-одлуката за прогласување на дел од Малешево за заштитен предел, односно заштитено подрачје во категорија V.Површината на идното заштитено подрачје заштитен предел-Малешево изнесува 11460.89 хектари

Be the first to comment

Leave a Reply

Your email address will not be published.


*