Со концерт на ансамблот ,,Танец” во Делчево, Центарот за култура ,,Н.Ј.Вапцаров” ја започнува богатата културна понуда за 2022 година

Со концерт на Ансамблот ТАНЕЦ, Националната установа ,,Центар за култура ,,Никола Јонков – Вапцаров” од Делчево ја отвора богатата културна понуда која ќе следува во наредниот период.

Концертот е по повод 150 години од раѓањето на великанот Гоце Делчев, а концептот како што најавуваат од Танец е наречен „Изворни минијатури”, кој ќе ја следи целата нивна пролетна концертна серија низ државата.

-Во овој циклус посветен на изворите, Танец ќе изведува програма конципирана од фрагменти, односно автентични фолклорни творби врз кои се темелат познатите кореографии на ансамблот (песни и ора како Адана, Тоска, Трченица, Ситното, и неизоставно формите кои се заштитени во УНЕСКО, како пијанечкото оро Копачка и машкото двогласно пеење од Долни Полог), истакнаа од најреномираниот македонски културен амбасадор.

Повеќе детали за концертот од делчевската установа најавија за в понеделник.

Be the first to comment

Leave a Reply

Your email address will not be published.


*