Планинарите на ПСК ,,Голак” го искачија 1577 метри високиот врв ,,Занога” на планината Влаина

Искачен врвот Занога висок 1577 метри на планината Влаина. Планинарската акција ја изведоа членови на ПСК ,,Голак” -Делчево.

-Направивме една планинарска акција за искачување на врв ЗАНОГА 1577 м.н.в. на планината Влаина, во атарот на село Панчарево (Општина Пехчево – Област Пијанец (Делчевска). Патеката беше кружна со следната маршута : Село Панчарево (Маала Сувата Река) 796 м.н.в. – Џамиите 908 м.н.в. – Асанов Дол 950 м.н.в. – Орлови Чуки 1150 м.н.в. – Врв ЗАНОГА 1577 м.н.в.(граничен камен 57 помеѓу Р.С.Македонија и Р.Бугарија) – Кота 1423 м.н.в. – Гуштерица 950 м.н.в. – Грчки Чукар 980 м.н.в. – Костеница 973 м.н.в. – Село Панчарево (Маала Сувата Река) 796 м.н.в, информираше Љупчо Чучуковски, претседател на клубот.

Вкупната должина на кружната патека била во должина од 15.5 км.

-Една многу интересна и убава планинарска патека во апсолутна голема борова шума,но сепак многу малку позната за планинарите не само во државата туку и во нашиот Брегалнички регион. За нас како ПСК ГОЛАК Делчево,е важна оваа патека од 2 причини :
1.За време на втората светска војна овде на оваа патека имало големи воени борби помеѓу грчката и бугарската Армија.
2.Врвот ,,Занога” 1577 м.н.в. се наоѓа во нашата област Пијанец (Делчевска).
Еден многу убаво поминат сончев и топол ден со навистина максимално позитивни планинари, додаде Чучуковски.