Младинци од ПСК ,,Голак” активни учесници во иницијативата на ,,Брегал” за уредување на Градскиот стадион во Делчево

Објава на ПСК ,,Голак” Делчево

Денес, 13 членови на ПСК ,,Голак” Делчево, учествувавме на повикот од општествено одговорната фирма БРЕГАЛ Делчево, за расчистување и уредување на градскиот стадион Гоце Делчев кој се наоѓа во спортско-рекреативниот центар Пијанец.

Вчера (7 учесници од клубот) и денес ја офарбавме со бела боја половина од оградата на ЗАПАДНАТА ТРИБИНА, додека во наредните денови планираме да ја довршиме целосно. Се надевам дека во наредните денови ќе биде исфарбана и оградата на Источната трибина, со што целосно оградите би добиле убав и нов лик.

Вчера исто така со моторна пила ги исековме дивите големи растенија кои беа израсната позади западната трибина. Вчера исто така и денес на повик кон територијалната противпожарна единица Делчево ни излегоа во пресрет, така што дојдоа со едно возило-цистерни и 4 пати донесоа вода, со која целосно ја исчистија Западната трибина, за што им благодариме.

Порачани се нови столчиња за трибините со што стадионот би заличел на вистински стадион, кој е еден од поголемите во државата со капацитет од околу 5 000 гледачи.

Најголема благодарност до нашите младинци од клубот кои дојдоа и дадоа голем придонес.

ГИ ПОВИКУВАМЕ СИТЕ СПОРТИСТИ ВО ГРАДОТ КАКО И ФИРМИ И ИНСТИТУЦИИ, ДА ЗЕМАТ УЧЕСТВО И ДА ДАДАТ СВОЈ ПРИДОНЕС, БИДЕЈКИ ТОА Е ЗА ОПШТО ДОБРО НА СИТЕ НАС ВО НАШИОТ ПРЕУБАВ ГРАД ДЕЛЧЕВО.