Фудбалерите на делчевска Брегалница со 4 погодоци ја почестија екипата на Победа Валандово која одигра солиден фудбал, но со своите 2 погодоци не успеа да им се спротистави на надмоќните домаќини во денешниот дуел на Градскиот стадион во Делчево.
Пешовски во два наврати и Ратков и Димитровски беа творци на победата на сино белите, кои сега со 6 освоени бодови се наоѓаат во првата половина од табелата во Третата фудбалска лига – Исток.
На останатите натпревари екипата на „Осогово“ го доживеа првиот пораз на „жешкиот терен“ во Градско Балдовце од „Спартмани“ со 1:0.
Иако во Берово се очекуваше се освен пораз, ОФК ,,Малеш” загуби од Тиверија со 1:2.
Во Чешиново, Натков како тренер и играч беше творец на победата на ФК ,,Карбинци” над Академијата со 1:4.
„Овче Поле“ и денес освои нови три бода, овојпат го совлада Рудар од Пробиштип со 3:0, а Дојранско езеро со петарда ги почести фудбалерите на Вардарски.
РЕЗУЛТАТИ ОД 4 КОЛО:
„Брегалница“ (Д) – „Победа“ (В) 4:2
„Спартмани“ – „Осогово“ 1:0
„Малеш“ – „Тиверија“ 1:2
„Дојранско езеро“ – „Вардарски“ 5:0
„Академија Чешиново-Облешево“ – „Карбинци“ 1:4
„Овче Поле“ – „Рудар“ 3:0
Прва на табелата е екипата на „Овче Поле“ со 10 бода пред „Тиверија“ која има 9, „Осогово“, „Карбинци“, и „Малеш“ моментално имаат по 7 бодови, додека „Рудар“, „Спартмани“ и „Брегалница“ (Д) по 6. Следуваат „Академија Чешиново-Облешево“ и „Дојранско езеро“ со 4, „Победа“ (В) со 3, а на последната позиција е тимот на „Вардарски“ кои се без поени.
Leave a Reply