Започна изградбата на фотоволтаична централа во делчевската гимназија

Денес започна изградбата на фотоволтаична централа во СОУ „М.М.Брицо“. Инвестицијата за инсталирање на фотоволтаична централа за производство на електрична енергија од сончева енергија е вредна 1,1 милион денари и е обезбедена преку проектот на ФООМ за пилотирање соларни панели во училиштата во Македонија.

Ова е значајна инвестиција и во време на енергетска криза, ќе донесе намалени трошоци за електрична енергија за средното општинско училиште, средства кои потоа можат да се искористат за други потреби на училиштето, истакнаа од СОУ ,,М.М.Брицо” Делчево.