Повредените во сообраќајката кај с.Стамер пуштени на домашно лекување

Во сообраќајката која синоќа се случи помеѓу две возила на регионалниот пат Делчево – Пехчево – Берово кај делчевското село Стамер, повредени беа три лица.

Според информациите на Итната медицинска помош повредените по укажаната интервенција се пуштени на домашно лекување.

-Кај повредените беа дијагностицирани полесни повреди. По укажаната интервенција, тие се во добра состојба, информираа од ИМП Делчево.

Поради сообраќајката, сообраќајот на регионалниот пат синоќа беше во прекин, а истиот беше пренасочен по стариот пат Делчево – Тработивиште.