Потпишан договорот за „Реконструкција на градинка во село Црник и изведба на дренажа”

smart

Во Пехчево потпишан договорот за реализација на локалната акција „Реконструкција на градинка во село Црник и изведба на дренажа“. Договорот денес го потпишаа градоначалникот на Општина Пехчево, Александар Китански, проектниот директор на Институтот за истражување и анализа на политики Ромалитико, Суад Скендери и директорката на Детската градинка „7 Септември – Пехчево“, Васка Симовска.

-Во рамки на активностите предвидена е изведба на систем за одводнување/дренажа на основните темели на објектот во кој е лоцирана градинката, со цел спречување на создавање на влага како резултат на влијанието на атмосферските води, информираше градочалникот на Пехчево, Китански.

smart

Во реализацијата на активностите како што додаде ќе биде вклучено локалното население и бизнис секторот.

-Како дел од реализацијата на оваа активност ќе биде поставена хидроизолација на ѕидовите на објектот и реконструкција која предвидува внатрешно доопремување со цел овозможување на соодветни услови за одржување на целодневен престој, додаде Китански.

Локалната акција „Реконструкција на градинка во село Црник и изведба на дренажа“ финансиски е поддржана од страна на Општина Пехчево, Институтот за истражување и анализа на политики Ромалитико преку проект на УСАИД – Заедно за просперитетна заедница, ОЈУДГ „7 Септември – Пехчево“ и КХАМ – Делчево

Be the first to comment

Leave a Reply

Your email address will not be published.


*