Културно-уметничките друштва ,,Гоце Делчев” од Делчево и ,,Јане Сандански од Пехчево во изминатите неколку дена учествуваа на Меѓународниот фестивал Празници на морето – Лозово во Бургас, Република Бугарија. Двете групи за своето учество од страна на организаторот добија Грамоти.
-Културно-уметничкото друштво Гоце Делчев доби Грамота која организаторот ја додели на солистите Мартин Ристов, Вања Ѓеоргиевска и Ивана Ѓоргиева кои одлично се претставија на овој фестивал. Благодарност до организаторот за поканата и оваа година да бидеме дел од овој реномиран Меѓународен фестивал, како и до целиот наш тим предводен од доктор Билјана Ѓеоргиевска, истакна извршниот директор и кореограф Зенил Реџепов-Стручни.
За групата од Пехчево како што истакна Валентина Веселинска, директорка на Домот на култура ,,Јане Сандански”, ова е прв настап на Меѓународниот фестивал во Бугарија.
-За прв пат сме тука и со добивањето на Грамотата за учество и одлично претставување нашите играорци се презадоволни одлично претставувајки ја Македонската култура и фолклор под раководство на Никола Каракашов.
Браво за сите играорци кои се претставија во најдобро светло, добија многу пофални зборови од домакините, и добија Грамота за учество, истакна Веселинска.
Фолклорната група ,,Гоце Делчев” од Делчево турнејата ја продолжува со настап на повеќе фестивали на Балканот и во Италија, а на дел од нив повторно друштво ќе им прават и играорците од Пехчево.
Leave a Reply