Видео: Експерт по ферментација од Делчево произведува висококвалитетни сорти на вино

Со винарство се занимава 5 години, а од 2023 година ја отвори и својата мала винарија Арсов. Произведува вино од сортите Темјаника и Вранец, како и висококвалитетни ракии специфични по нивните својства, но и по амабалажата и етикетите кои веднаш паѓаат во очи кога ќе се забележат за прв пат. 

Вака би ја започнале приказната за Горан Арсов, винар од Делчево, инаку дипломиран физичар кој се охрабрил да се занимава со дестилација и винарство, во моментот кога одлучил дека е доволно добар мајстор да го контролира процесот на ферментација.

-Јас се охрабрив да се занимавам со дестилација во моментот кога одлучив дека имам направено доволно грешки и имам научено како да ги исправам грешките во иднина. Кога добив чувство во себеси, кога добив сигурност дека сум доволно добар мајстор да го контролирам процесот на ферментација, тогаш се охрабрив дека е веќе време да почнам да го работам ова на комерцијална основа. Имам над 300 ферментации поминати имам по поминато стручна литература од големи мајстори, имам голем мерак за ферментација само на класично вино, раскажува Арсов за неговите почетоци.

Тој повеќе од една година вината ги произведува во сопствена винарија сместена на излезот од Делчево.

-Винарија Арсов постои од 2023 година, но јас со винарство се занимавам веќе 4,5 години. Произведувам вина, оваа година имам Вранец и Темјаника. Виното Вранец се вика Скротен Вранец додека виното Темјаника се вика Темјаника Прима. Настрана од тоа правам и висококвалитетни ракии. Секоја си има свое име, кое соодветно ги опишува карактеристиките на пијалокот. Пример оваа се нарекува Ливада затоа што главни карактеристики и се орхидеја и градина од бели цветови. За оваа имам добиено највисока можна оценка од судија за ракии, додава делчевскиот винар.

Како ентузијаст и екептиментатор за ферментација, винаријата Арсов во моментот располага со повеќе видови на ракија.

-Во моментот располагам со 9 видови на ракија кои ги имам јас направено бидејки сум ентузијаст за секаков вид ферментации. Имам правено ферментации и за банани и портокали, имам правено дури и од кафе, имам правено вино од јагоди, капини од малини, значи од многу разни овошја.

Оваа ракија да кажеме Златна ливада е направена од 100 проценти темјаника грозје и тоа најдобриот дел од дестилатот, од најдобриот дел од срцевината и плус тоа стоено во буре од благун даб, потенцира Арсов.

Во рамки на настанот кој тој го организираше за дегустација на неговите производи, пред присутните делчевскиот винар ги објасни најчестите појави присутни во винарството, како оксидација на бело и цевено вино и како истото да се препознае.

-Белото бино кое не е оксидирано обично е бистро, а ако е оксидирано бојата оди кон портокалова и темна. Ова не значи дека е оксидирано, но еден од начините на кои ќе се сомневате дека е оксидирано е тој. 

Портокалово вино не е оксидирано доколку ви кажат дека тоа е неговата природна боја, а доколку не е неговата природна боја, тогаш е оксидирано. Тоа значи дека премногу е изложено на кислород и заради тоа му се имаат намалено вкусовите и аромите му се имаат отапено. Значи квалитетот му се има намалено, не е нездраво, но квалитетот му е помал. 

За да не дојде до оксидација како што посочува треба строго да се внимава да не дојде до преголема изложеност на кислород, а тоа според него е тешко во винарството, бидејки винарството е уметност. Кај оксидацијата кај црвеното вино, вели дека таа се познава на тој начин што оксидираното вино тргнува кон ќерамида боја, додека кај неоксидираното бојата е свежа, рубин црвено. Оксидацијата во тој случај претставува изложување на кислород додека виното е правено.

Околу консумирањето на вино, вели дека вино најдобро се пие од сад наречен декантер. Во тој случај посочува дека е многу важно виното да се истура по ѕидот на декантерот, за да се дозволи испарување на можните испарливи киселини и со тоа виното да се стабилизира, а доколку во има талог, тој треба да се остави во шишето.

-Прво се зема се истура шишето во декантер. Во овој сад виното настрана што доколку имало мали фалинки, непријатности или дефекти на виното како H2S, ацетон или малку оцет, тие се испарливи киселини. Доколку виното не е многу лошо, декантерот ќе му дозволи да испарат и ќе добиете многу попријатно црвено вино за пиење. Настрана од тоа, во декантерот му дозволувате со тек на време побрзо да се стопли, а тоа значи подобро да испарува и подобро да ги почувствувате аромите на виното. А за стари вина е задолжително да се користи декантер, затоа што кај старо и квалитетно вино задолжително има талог, на талогот тогаш ќе му дозволите да остане во шишето, а во декантерот ќе.добиете чисто вино. Значи сигурно е дека има повеќе работа, треба да се земе декантерот да се мие, но штом некој го има купено, паметно е да го искористи за да има убаво искуство, настрана од тоа што многу поинтересно е да се стави во чаша од декантер отколку од шише, дециден е Арсов.

Скротениот Вранец од неговата винарија вообичаено се служи на температура од 22 степени.

-Тоа значи дека треба да му дозволите кога ќе го отворите да стои на маса и пробувајте кога ќе го служите на 14 до 16 степени пробајте го на виното, но дозволете му на виното да се стопли до 20, 22 степени и пробајте да ги забележите промените во аромата. Ќе забележите дека како што се зголемува температурата почнуваат да испаруваат различни ароми кои стануваат поинтензивни, заврши делчевскиот винар.

Присутните кои присуствуваа на неговата Вечер на дегустација беа воодушевени од вкусовите на производите на делчевскиот производител на вина и неговата винарија.

На сите оние кои сакаат да се занимаваат со дестилација и производство на вино, делчевскиот ентузијаст им порача многу да да читааат  да експериментираат и да имаат голема воља за да бидат успешни во тоа што го работат.

Be the first to comment

Leave a Reply

Your email address will not be published.


*