Маријана Дочинска, една од ретките успешни жени земјоделки во Малешевијата

Маријана Дочинска е успешна жена земјоделка, која има сопствена фарма со 80 крави. Таа успешно ја има искористено и поддршката за набавка на трактор, а во 2023 година преку мерката бизнис план од Националната програма за рурален развој, со грант поддршка до 10.000 евра, има набавено миксер за храна на добитокот и цистерна за течно ѓубре.

Новата мерка за бизнис план, која токму и Маријана ја има искористено, според министерот за земјоделство Љупчо Николовски кој денес го посети семејството Дочински, им дава на земјоделците грант поддршка до 10.000 евра, за да можат сами да одлучат каква опрема и земјоделска механизација ќе набават. 

-За само една година успеавме со оваа мерка да обезбедиме поддршка до 206 земјоделски стопанства, од кои 115 се токму жени земјоделки. Успешни жени земјоделки имаме поддржано и преку програмите за поддршка на малите производители на храна и пијалоци, а вкупно 64 жени земјоделки досега ја имаат искоритено оваа грант поддршка до 10.000 евра. Од 2017 година, до денес, преку сите мерки што им се ставени на располагање кон жените земјоделки се реализирала поддршка во вредност од 1,1 милијарди денари, поддржувајќи 1.700 жени земјоделки, рече Николовски.

Пред беровскиот сточар министерот ги споделам мерките што оваа година ги имаат на располагање за сточарите.

-Една од тие мерки е зголемувањето од 4.000 на 12.000 денари, кај  поддршката за женски грла говеда постари од 12 месеци. Ваквото зголемување има за цел да даде поголем мотив, сигурност и поддршка во работата на сточарите, но и на долг рок, да даде резултати во зголемување на домашниот сточен фонд. Креираме конкретни мерки и докажавме дека знаеме што му треба на македонското земјоделство и дека може да биде подобро, додаде Николовски.

Цел на министерството како што дополни е во следниот период е да се достигне една милијарда и триста педесет милиони евра вложувања во земјоделството за капитални инвестиции и директна финансиска поддршка до земјоделците.

Паралелно планот е буџетот за сточарско производство, двојно да се зголемиме од досегашните 35 милиони евра, на 70 милиони евра годишен буџет. 

-Наша цел е да растат и субвенциите по грло кај кравите постари од 12 месеци, достигнувајќи до поддршка од 20.000 денари по грло, до 2028 година.Сакаме да обезбедиме поголема независност на самиот сточар, па така во следниот период подготвуваме нова програма за поддршка во мобилни кланици, мобилни молзилишта и мобилни мандри, со поддршка од 15.000 евра по корисник. Како и посебна програма со поддршка, до 10.000 евра, преку која сакаме да го зголемиме производство на млеко, поддржувајќи нови системи за молзење на краварски, овчарски и фарми на кози, додаде Николовски.

Жените земјоделки како што подвлече продолжуваат да бидат главен фокус на министерството преку продолжување на поддршката, со цел истата да се зголеми на 10.000 евра.

Be the first to comment

Leave a Reply

Your email address will not be published.


*