Почитувани и ценети наши клиенти, гости, соработници и пријатели
Денес во 12:00, истовремено и коориднирано во двата угостителски објекти на правното лице СО СИНКОТО ДООЕЛ Делчево, PUB Делчево и хотел ресторан МОНОПОЛ’о, беше спроведена координирана акција на инспекциска контрола и надзор од страна на државните инспекторати, дирекции и министерства:
- Министерство за внатрешни работи
- Финансиска полиција
- Државен пазарен инспекторат
- Дирекција за заштита и спасување
Од страна на инспекторите во вршењето на контролата и надзорот беа воочени одредени недостатоци, согласно одредени законски правилници и регулативи, пред се во недостаток на техничка документација.
Изречена е усна забрана за работа на објектите, за која согласно закон ќе следи и писмено решение, се до отклонување односно обезбедување на утвредените недостатоци на објектите, согласно законските регулативи и правилници за работа.
Изречени се и платни прекршочни налози (казни), за соодветните недостатоци утврдени при инспекцискиот надзор и контрола.
Од страна на правното лице СО СИНКОТО ДООЕЛ и 2та објекта, PUB Делчево и хотел ресторан МОНОПОЛ’о утврдените недостатоци од страна на државните инспектори, во целост ќе бидат отклонети и обезбедени согласно укажувањето, а платните прекршочни налози ќе бидат уплатени на трезорската сметка на НБРМ во изречениот рок.
Им се заблагодаруваме на ОСЛ од ОВР Делчево, државните инспектори и КРИМ полиција, за коректниот однос, професионален пристап и комуникација.
А за “случајниот” избор и селективна селекција ќе се насмееме сами во себе 😊
Драги наши, се гледаме наскоро, во наш своинствен креативен и позитивен стил…, се вели во објавата на PUB Делчево.

Leave a Reply