Во Берово одржан промотивен настан ,,Здрава исхрана за здрава тежина”

Денес во Општинското средно училиште „Ацо Русковски“ – Берово се одржа промотивен настан за проектот “ЗДРАВА ИСХРАНА ЗА ЗДРАВА ТЕЖИНА“.

Овој проект е овозможен преку Еразмус+ програмата на Националната агенција за европски образовни програми и мобилност. Училиштето е добитник на грант средства во износ од 51,992.00 евра кои се искористени за двонеделно студиско патување и обука на учениците од угостителско – туристичката струка во областа Умбрија, Италија.

Проектот има за цел училиштето да ги постигне приоритетите од развојниот план поврзани со промоција на здрави навики во исхраната.

Друга приоритетна цел е вклучување на образованието за здрава исхрана во наставните програми на угостителската струка со цел учениците да бидат промотори на здрави навики во исхраната.

Be the first to comment

Leave a Reply

Your email address will not be published.


*