
На 15 јануари 2026 година започнаа подготовките на нашиот ракометен клуб за настап на меѓународниот турнир за млади категории „Трофеј града Новог Сада 2026“, кој ќе се одржи од 30 јануари до 1 февруари 2026 година во Република Србија.
Клубот ќе настапи со две селекции и тоа:
- генерација 2013/2014,
- генерација 2015 и помлади, кои ќе се натпреваруваат во мини-ракомет.
Во изминатиот период, младите ракометари работат посветено и мотивирано, со јасна цел – достојно да го претстават клубот и градот Делчево на едно од најреномираните младински ракометни натпреварувања во регионот. Турнирот во Нови Сад традиционално собира квалитетни екипи од повеќе земји и претставува одлична можност за стекнување искуство, спортско надградување и меѓународна афирмација.
Им посакуваме многу среќа, борбеност и спортски успех на нашите млади ракометари, со надеж дека ќе не израдуваат со одлични резултати со кои ќе се гордеат клубот и градот Делчево.


Leave a Reply