Општина Делчево потпиша Меморандум за соработка со ДПСС „Осогово“ од Кочани

Општина Делчево денеска потпиша Меморандум за соработка со Доброволната планинска спасителска служба „Осогово“ од Кочани, со цел зајакнување на безбедноста и заштитата на граѓаните и посетителите, особено во планинските подрачја.

Од Општината информираат дека зголемениот развој на туризмот, а особено планинскиот туризам, како и сè поголемиот број љубители на природата, наметнува потреба од поголема подготвеност и одговорност во обезбедувањето навремена и ефикасна помош при несреќи и вонредни состојби.

Со Меморандумот се предвидува заедничко и координирано имплементирање на активности насочени кон подобрување на безбедноста на планина, побрза и поефикасна координација при интервенции, размена на знаења и искуства, како и спроведување превентивни и едукативни активности и обуки.

Доброволната планинска спасителска служба „Осогово“ се посочува како значаен партнер, чија стручност и хуманост претставуваат важен сегмент во системот за заштита и спасување.

Од Општина Делчево нагласуваат дека остануваат посветени на градење партнерства кои директно придонесуваат за поголема сигурност и безбедност на заедницата и на сите посетители на општината.

Be the first to comment

Leave a Reply

Your email address will not be published.


*