Прв случај на коронавирус во Берово

Во Берово регистриран првиот позитивен случај на вирусот Ковид-19. Веста ја објави градоначалникот Звонко Пекевски, кој истакна дека надлежните служби ги превземаат сите меки, со цел да не се дозволи понатамошно ширење на вирусот во Берово.  

-Како општина, спроведовме повеќе мерки во интерес на заштитата на јавното здравје и сме во секојдневна координација со институциите, но од исклучитална важност, е улогата на секој од нас. Од нас се бара, најсериозно да ги сфатиме и почитуваме мерките и препораките на Владата на Република Северна Македонија и Светската здравствена организација. Посебно, да ја почитуваме мерката, со која се забранува собирање во групи, во паркови и на други јавни места. Воедно сакам да упатам апел, до сите граѓани, да не се крева паника и притоа ги повикувам на смирено и разумно однесување, истакна Пекевски.

Посебен апел упати до сите малопродажни објекти, маркети и сите компании, кои вршат дејност, да обратат големо внимание кон придржувањето до пропишаните мерки на заштита.

-Со тоа не само што ќе се заштитат вработените, туку и самите клиенти, а со тоа и самите ние. Берово и неговите граѓани, во огромен процент се придржуваа на мерките и затоа бевме една од општините во кои досега не беше регистриран вирусот. Верувам дека со доследна почит на сите мерки, ова ќе остане изолиран случај и ќе останеме без други заболени, додаде Пекевски.

Од општините во крајниот Исток единствено Македонска Каменица е општина каде досега нема регистриран случај на Ковид-19

Be the first to comment

Leave a Reply

Your email address will not be published.


*