Пекевски: Продолжува реализацијата на проекти за изградба на улици и патишта

Нов асфалт добива улица ,,Мирче Ацев” во Берово, објави денеска градоначалникот на Берово, Звонко Пекевски

Активноста како што информираше тој се реализира во рамки на Програмата за локални улици и патишта за 2024 година.

-Се асфалтира крак на улицата, со должина од 160 метри, со широчина 5, 5 метри. Оваа улица, се наоѓа во централно градско подрачје и со изградбата на истата, се овозможуваат услови за пристап до новопредвидени парцели за комерцијална дејност.

Реализацијата на проектите за изградба и реконструкција на улици, во Општина Берово, се одвива согласно предвидената програма, а во насока на обезбедување подобра инфраструктура за сите граѓани, истакна Пекевски.

За реконструкција на ул.,,Мирче Ацев”, од Буџетот на Општина Берово, за 2024 година, ќе бидат исплатени 1.909.000,00 денари.

Be the first to comment

Leave a Reply

Your email address will not be published.


*