Градоначалникот на општина Пехчево Александар Китански оствари официјална средба
со градоначалникот на Мурска Собота Дамјан Анжељ , при што се разговараше за продлабочување на меѓуопштинската соработка и размена на искуства во повеќе области од заеднички интерес.
Средбата како што стои во објабата на Китански поминала во пријателска и конструктивна атмосфера, а биле
разгледани повеќе точки меѓу кои:
- Противпожарна заштита – Потенцирана е потребата од размена на добри
практики, заеднички обуки и проекти за унапредување на капацитетите за заштита
од пожари. - Туризам – Истакната е важноста на туристичката соработка преку заедничка
промоција на природните и културните ресурси, со посебен акцент на еко и
рурален туризам. - Интеграција на сите групи граѓани во општеството – Разговор за можни
заеднички иницијативи и програми насочени кон социјална инклузија и еднакви
можности за сите граѓани. - Мултикултурализам – Обострана заложба за поттикнување на културната
разновидност и нејзино вклучување во секојдневниот општествен живот. - Економија и поддршка на мали и средни претпријатија – Потенцијали за
економска соработка преку размена на искуства, добри практики и можности за
поддршка и развој на локалната економија.
Градоначалниците ја нагласија важноста на оваа соработка како мост за идни заеднички
проекти, а воедно и како чекор напред во градењето пријателски и европски вредности на
локално ниво.


Leave a Reply