Ноември – Месец на борба против зависности: Едукативни активности со младите во Делчево и Македонска Каменица

Во рамки на обележувањето на Ноември – Месец на борба против зависности, изминатата недела беа реализирани низа едукативни активности насочени кон младите од Делчево и Македонска Каменица.

Во основните училишта „Св. Климент Охридски“ – Делчево и „Св. Кирил и Методиј“ – Македонска Каменица, беа спроведени врснички едукации со учениците од деветтите одделенија. Младите активно се вклучија во дискусии за различните видови зависности, ризиците што тие ги носат и начините како да донесуваат здрави и информирани одлуки.

Покрај работилниците, во просториите на Црвениот крст беше организирана и панел-дискусија за младинска превенција, каде младите имаа можност отворено да разговараат за предизвиците со кои се соочуваат, потребата од поддршка и значењето на навременото информирање.

Овие активности претставуваат важен чекор кон подигнување на свеста и јакнење на капацитетите на младите за препознавање и спречување на ризично однесување.

🔹 Иницијативите продолжуваат и понатаму – за посигурна, поздрава и поинформирана младина во нашиот регион!

Be the first to comment

Leave a Reply

Your email address will not be published.


*