Богојавление – Водици во Берово: Благој Дујовски прв до светиот крст

Со голема вера, радост и почит кон традицијата, денеска во Берово свечено беше одбележан еден од најголемите христијански празници – Богојавление – Водици.

Во водите на реката Брегалница, пред многубројни верници и учесници, најсреќен беше Благој Дујовски, кој прв стигна до светиот крст – симбол на благослов, надеж и духовна сила.

По повод празникот, Општина Берово го награди најсреќниот учесник со вредносен ваучер од 15.000 денари, а дополнителна награда обезбеди и општествено одговорната компанија ЗЕГИН.

Празничната атмосфера уште еднаш покажа дека беровчани со гордост ја негуваат вековната традиција, пренесувајќи ја од генерација на генерација.

Честитки до Благој Дујовски и до сите учесници кои храбро се вклучија во настанот!

На сите граѓани на Берово им го честитаме големиот христијански празник Богојавление – Водици – ден на духовно прочистување и потсетник на крштевањето на Исус Христос во реката Јордан од Свети Јован Крстител.

Be the first to comment

Leave a Reply

Your email address will not be published.


*